જરા સંભાળજો

એમનાં કરગરતાં વેણમાંથી
એમની આંખોમાં રહેલી યાચનામાંથી
એમના જોડાયેલા હાથમાંથી
એમની પીઠ પર પડેલા સોળમાંથી
એમના ગળામાં અટકી ગયેલી ચીસમાંથી
રચાઈ શકે છે એવી દલિતસ્મૃતિ,
જેના પ્રત્યેક શ્ર્લોકમાં
તમારી ખાલ ઉધેડવાનો હુંકાર હોય
જેની પ્રત્યેક શ્રુતિમાં
તમને તમારા જ મેલામાં ડૂબકી ખવડાવવાની
ગર્જના હોય.
ધ્યાન રાખજો જરા
જો તમારી સદીઓ જૂની લાકડી
છીનવાઈ ગઈ
તો તમારા મનની ગંદકીની સાથેસાથે
તમારી પણ સાફસૂફી થઈ જશે.